O‘zbekistonda yanvar—aprel oylarida elektromobillar importi 3,5 barobarga oshdi

O‘zbekistonga yanvar—aprel oylari davomida 2 544 dona elektromobil import qilingan. Bu haqda Statistika agentligi xabar berdi.

Qayd etilishicha, O‘zbekiston 2023-yilning to‘rt oyida 9 ta xorijiy davlatdan qiymati 81,3 million dollarga teng bo‘lgan 2 544 dona elektromobil import qilgan. Elektromobillar importi o‘tgan yilning mos davri bilan solishtirilganda 1815 taga (3,5 barobarga) oshgan.

O‘zbekiston 2023-yilning aprel oyida xorijiy davlatlardan 876 dona elektromobil import qilgan.

Eng ko‘p elektromobil import qilgan davlatlar:

• Xitoy — 2 278 ta;
• Gonkong — 202 ta;
• Germaniya — 32 ta;
• BAA — 16 ta;
• Janubiy Koreya — 9 ta;
• AQSH — 4 ta.

Avtomobillar importi

O‘zbekistonga 2023-yilning yanvar—mart oylarida 1 668 ta elektromobil import qilingan. Shuningdek, mart oyida xorijda ishlab chiqarilgan yangi yengil avtomobillar savdosi sezilarli darajada oshgani to‘g‘risida xabar berilgandi. Bir oy ichida “inomarka”lar bo‘yicha bitimlar soni 15 foizga ko‘paygan va 2,9 ming donaga yetgan. Fevral oyida esa elektromobillar sotuvi 746 donani tashkil etib, rekord qayd etgan edi.