Xitoyda yoshlar o‘rtasidagi ishsizlik darajasi rekord darajaga yetdi. Shu sababli mamlakat yoshlari kam maoshli, malaka darajasidan pastroq ishga joylashishga majbur bo‘lmoqda. Bu haqda CNBC xabar berdi.
Aprel oyida Xitoydagi shaharlik yoshlar (16-24 yosh) o‘rtasidagi ishsizlik darajasi rekord darajadagi 20,4 foizga yetdi. Bu xuddi shu davrdagi umumiy ishsizlik darajasidan (5,2 foiz) qariyb 4 baravar ko‘pdir.
Mutaxassislar buni universitet bitiruvchilari sonining haddan tashqari ko‘pligi, ularning ko‘pchiligi ish topa olmagani bilan bog‘laydi.
1990-yillarning oxirida boshlangan universitet ta’limining ommaviyligi bitiruvchilarning katta oqimini yuzaga keltirdi. Lekin mehnat bozori yuqori malakali ishchilarga bo‘lgan talab va taklif o‘rtasida ziddiyatli. Iqtisodiyot esa bunga tayyor emas edi, — dedi Kolumbiya universitetining sotsiologiya professori Yao Liu.
Xitoylik universitet bitiruvchilariga malakasiz ishchilar uchun ajratiladigan kamroq maoshli ishlar taklif qilinmoqda.
Kimdir bunday pozitsiyani egallashga rozi bo‘lsa, kimdir rozi emas. Bu esa pirovardida yoshlar o‘rtasida ishsizlikning ko‘payishiga olib kelmoqda.
Ko‘pgina universitet bitiruvchilari ishsiz qolmaslik uchun o‘zining ta’lim darajasiga mos kelmaydigan lavozimlarda ishlashi kerak, — deb ta’kidlaydi professor Yao Liu.
Ta’kidlanishicha, bu Xitoy hukumatini shoshilinch harakatga keltirishi mumkin.
Ish istiqbollarining kamayishi muqarrar ravishda yoshlar o‘rtasida norozilikni keltirib chiqarishi mumkin. Ularning moddiy farovonligini ta’minlay olmaslik Kommunistik partiyaning Xitoy xalqi bilan tuzgan ijtimoiy shartnomasini buzishi mumkin, — deydi China Beige Book boshqaruvchi direktori Shehzod Qozi.
Liuga ko‘ra, Xitoy aholisining qarishi uning iqtisodiy faol aholisini qisqartirishini hisobga olinsa, yoshlar ishsizligi iqtisodiyot uchun juda salbiy oqibatlarga olib kelishi mumkin.
Avvalroq dunyo bo‘ylab 2023-yilda ishchilar uchun vaziyat yomonlashishi kutilayotgani hamda Markaziy Osiyoda holat qandayligi haqida ma’lumot berilgandi.
Izoh (0)