Dunyo bo‘ylab eng boy 1 foiz aholiga qo‘shilish uchun qancha pul kerak?

Dunyo bo‘ylab atiga 1 foiz eng badavlat odamlar qatoriga qo‘shilish uchun sizda qancha mablag‘ bo‘lishi kerak? Bu haqda Bloomberg xabar berdi.

Agar Monakoda eng boy 1 foiz odamlarga qo‘shilishni istasangiz, sizga sakkiz raqamli boylik kerak bo‘ladi — 12,4 mln dollar.

2023-yildagi boylik hisobotining bir qismi sifatida e’lon qilingan ma’lumotlarga ko‘ra, Shveysariya va Avstraliyada 1 foizgacha bo‘lgan eng badavlat odamlar sirasiga kirish uchun mos ravishda 6,6 million va 5,5 million dollar talab qilinadi. AQSHda 5,1 million dollar bilan siz bu qatorga kirishingiz mumkin.

Ko‘rsatkichlar pandemiya va turmush narxining oshib borishi boy va kambag‘al davlatlar o‘rtasidagi tafovutni qanday oshirayotganini ta’kidlaydi.

Jahon banki ma’lumotlariga ko‘ra, butun dunyo bo‘ylab kam daromadli oilalar inflyatsiya yukini his qilmoqda. Bu esa ularni daromadining ancha katta qismini oziq-ovqat va uy-joyga sarflashga majbur qildi.

Ayni paytda, Bloomberg Billionaires Index ma’lumotlariga ko‘ra, dunyodagi eng boy 500 kishi bu yil umumiy boyliklariga qariyb 600 milliard dollar qo‘shdi, Meta Platforms asoschisi Mark Sukerberg esa eng ko‘p daromad olgan.

Avvalroq qanday qilib Butan Qirolligi kriptovalyutada millionlab dollarlarni yashirincha saqlagani haqida xabar berilgandi.