Markaziy bank oxirgi o‘n kunda ajratilgan mikroqarz va avtokreditlar foiz stavkalarini eʼlon qilishda davom etmoqda. Navbatdagi maʼlumot 2025-yil 4-avgust holati bo‘yicha taqdim etildi.
Hisob-kitoblarga ko‘ra, 4-avgustgacha bo‘lgan 10 kunlikda aholiga ajratilgan mikroqarzlar foiz stavkasi o‘rtasi 35,7 foizni tashkil etgan.
Bundan avvalgi, 28-iyuldagi tahlilda o‘rtacha mikroqarz 34,9 foizdan ajratilgani bildirilgan. Yaʼni 20 kun ichida mikroqarz olish 1,2 foizga qimmatlashgan.
Yangilangan maʼlumotga qaraganda eng arzon mikroqarz 21 foiz, eng qimmat qiymat esa 40,5 foizdan to‘g‘ri kelgan. Taqqoslash uchun, aholiga ajratiladigan kreditlar (mikroqarzdan tashqari) o‘rtacha 23,8 foizni tashkil etgan.
-KvIrTSUK.avif)
Joriy yil 4-avgustgacha bo‘lgan 10 kunlikda avtokreditlar o‘rtacha stavkasi 23,8 foizdan berilgan. Bunda eng past stavkadagi avtokredit 18,4 foizdan, eng yuqori qiymatdagisi esa 28,5 foizdan ajratilgan.
Taqqoslash uchun, avvalgi o‘n kunlikda (28-iyul holatiga) avtokreditlar narxi o‘rtacha 24,1 foizdan bo‘lgan.
Izoh (0)