Andijon viloyati Xo‘jaobod tumanida 1-may kuni bedarak yo‘qolgan qiz bir oydan buyon qidirilmoqda. Bu haqda viloyat IIB axborot xizmati xabar berdi.
Unga ko‘ra, Xo‘jaobod tumani “Mustaqillikning 27 yilligi” MFYda yashovchi 1994-yilda tug‘ilgan Mavluda Matkarimova 2023-yilning 1-may kuni soat 17:00 lar atrofida yashash xonadonidan nomaʼlum tomonga chiqib ketib, qaytib kelmagan. Ushbu bedarak yo‘qolgan shaxs to‘g‘risida biror maʼlumotga ega bo‘lganlardan 102 raqamiga qo‘ng‘iroq qilish so‘ralgan.
Shuningdek, qizning onasi ijtimoiy tarmoq orqali unga murojaat qilib uyga qaytishini iltimos qilgan.
“Qizim Mavluda, ukalaring, men, dadang — hammamiz xavotirdamiz. Seni juda ham sog‘indik. Iltimos, uyga qayt, jon qizim. Qarindosh-urug‘lar ham hammasi seni so‘rashyapti”, — deya yig‘lab murojaat qilgan ayol.
Izoh (0)