Qashqadaryo viloyati Qarshi shahrida 2022-yilda bedarak yo‘qolgan bola 15 oydan buyon qidirilmoqda. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, Qarshi shahar, Paxtazor mitti tumani, 40-A uy, 17-xonadonda yashagan, 2002-yilda tug‘ilgan Faxriddin Qurbonnazarov 2022-yilning 31-yanvar kuni taxminan soat 08:30 larda “Qarshi shahar 3-mitti tumanida joylashgan ish joyimga boraman” deb yashash xonadonidan chiqib ketib, bedarak yo‘qolgan.
Maʼlum qilinishicha, alohida belgilari: bo‘yi 155-160 sm atrofida, sochi, qoshlari ingichka, yoysimon, ko‘zlari qora rangda va o‘rtacha kattalikda, yuzi ovalsimon shaklda, burni to‘g‘ri shaklda, o‘rtacha kattalikda. Boshida qora rangli shapka, yoqasida mo‘ynali qora rangli kurtka, kulrang jemfir, ko‘k rangli trikosi oyog‘ida qora rangli krasovka bo‘lgan.
Uni ko‘rgan yoki u haqda biror maʼlumotga ega fuqarolardan Qashqadaryo viloyati IIBning ishonch telefonlariga qo‘ng‘iroq qilish so‘ralgan. Shuningdek, fuqarolar tomonidan taqdim etilgan har qanday maʼlumotlar sir saqlanishi kafolatlanishi va moddiy rag‘batlantirilishi ham aytib o‘tilgan.
Izoh (0)