Andijon viloyati Shahrixon tumanida bedarak yo‘qolgan 23 yoshli qiz ikki yildan buyon qidirilmoqda. Bu haqda Toshkent viloyati Ichki ishlar bosh boshqarmasi axborot xizmati “Daryo”ga xabar berdi.
Xabarga ko‘ra, Kamolaxon Zaynobiddinova 2000-yil 27-mayda Andijon viloyatida tug‘ilgan (Shahrixon tumani “Naynavo” MFY Qorabo‘yin ko‘chasi 77-uyda doimiy ro‘yxatda turgan). Aniqlanishicha, u vaqtincha yashash uchun buvisining uyiga kelgan, (Toshkent viloyati Chirchiq shahri Sharq ko‘chasi 16-uy) va oradan bir oy vaqt o‘tib, ushbu xonadondan nomaʼlum tomonga chiqib ketib, shu kunga qadar qaytib kelmagan.
Belgilari: bo‘y uzunligi 170-175 sm, ozg‘indan kelgan, sochlari jigarrang, yuzi ovalsimon, qoshlari qora yoysimon, ko‘zlari jigarrang. Uydan chiqib ketgan kuni egnida och sariq rangli yengi kalta qizil atirgul suratlari tushirilgan ko‘ylak, oyog‘ida oq rangli yozgi oyoq kiyim bo‘lgan.
Izoh (0)