Сурхондарё вилоятида фаолият юритувчи шифокорлар беморлар учун ёзилган дорилар қутисидаги этикетка қисмини юлиб олиб, шу дорини ишлаб чиқарувчиларга сотаётгани айтилмоқда. Бу ҳақда “Дарё”га маълумот берган манба ҳолат Сурхондарё вилоятининг Денов туманида содир бўлаётганини билдирган.
“Булар шунақа қилиб, дори ёзади ва этикеткасини юлиб олиб сотяпти. Буларга чора кўрадиган йўқми? Депутатлар нима қиляпсизлар?”, — дейди бу ҳақда жамоатчиликка маълумот берган киши.
Видеога олган шахс маълумот берувчидан бу дориларнинг умуман фойдаси йўқми, дея сўрайди.
“Бу дориларнинг умуман фойдаси йўқ. Одамлар ўлиб кетса ҳам, ўладиган касалларга ҳам шу дориларни ёзишяпти. Шифокорлар эса бу дорилар этикеткасини сотиш учун йиғяпти”, — дейди у.
Маълумот берувчи дори ишлаб чиқарувчилар ампула шишасини 25 минг сўмдан сотиб олаётганини қўшимча қилади.
“Бу ампуланинг одамга умуман фойдаси йўқ. Лекин шифокорлар ёзяпти, беморлар оляпти. Бу ампула шишаси эса ишлаб чиқарувчиларга 25 минг сўмдан сотиляпти. Дори ишлаб чиқарувчи фирмаларнинг менежерлари 10 миллион сўмдан ойлик оляпти”, — дейди видеода чиқиш қилган фуқаро.
Изоҳ (2)
бу нима деб тушиниш керак, чунки буни тагида миллионлаб доллар пуллар етибди ,вазирлар,уларни уринбосарлари бошкаради бу нарсани,факат сурхондаре эмас узбекистон буйича медицина ичидаги бизнеску ,бу хакда профессор зафарбой ибодуллаев сайтида зур килиб тушинтириб куйган
10 дакика олдин изохларни укиган эдим кайтиб кирсам хаммаси учирилган,