Gollivud aktyori Bryus Uillis 2020-yilda namoyish etilgan “Yarim tunda bug'doyzorda” trillerining suratga olish chog‘ida suratga olish maydonchasida ekanini va loyihada bosh rolni o‘ynayotganini unutib qo‘ygan. Bu haqda rekvizit bo‘yicha mutaxassis Alisiya Xaverlend intervyusiga asoslanib, “Pravila jizni” nashri xabar bermoqda.
.jpg)
Epizodlardan biri yemakxonadagi sahnani suratga olish edi. O‘sha paytda Uillisga xotirasi pand bergan va o‘zini haqiqatan ham kafega tushlik qilish uchun borgandek tutgan. Kadrda aktyor bir chashka kofe ichishi kerak edi va Xaverlend har bir yangi dubl qilishdan oldin idishdagi ichimlikni to‘ldirgan.
Xaverlend yettinchi yoki sakkizinchi dubl qilishdan oldin Uillisga qahva bilan yaqinlashganda, aktyor uni idishga ichimlik quyishdan to‘xtatgan va: “Yo‘q, xonim, men boshqa ichmayman”, — deb aytgan. Rekvizit bo‘yicha mutaxassis unga bu ishni suratga olish jarayonlari uchun qilayotganini tushuntirishga uringan, biroq Uillis buni tushunmagan va undan ko‘proq qahva buyurtma berishini so‘ragan.
Xaverlendning so‘zlariga ko‘ra, bu “yurakni larzaga soluvchi” holat bo‘lgan. U suratga olish jarayonlarini tugatish uchun o‘zini ofitsiant qilib ko‘rsatgan. Keyin u Uillisni haqiqatan ham qahva so‘raganiga ishontirgan.
2022-yilning mart oyida Uillisning oila a’zolari aktyor o‘z faoliyatini yakunlayotganini e’lon qildi, chunki unda afaziya — miya markazlari shikastlanganda paydo bo‘ladigan nutq buzilishi rivojlangan. 2023-yilda aktyorga demensiya kasalligi tashxisi qo‘yilgan edi va afaziya uning belgilaridan biri hisoblanadi.
Izoh (0)