Aktyorlar filmlarda suratga tushishi uchun turli xil sinovlardan o‘tishi, ma’lum talablarni bajarishi kerak. Quyida loyihalardagi rollari sabab ko‘p vazn orttirgan mashhurlar haqida ma’lumot beriladi.
Rayan Gosling — “Sevimli suyaklar”
Bir kuni 30 yoshdan kichik bo‘lgan Rayan Goslingga o‘smir qizning otasi rolini o‘ynashni taklif qilishdi. Rayan bu rol yoshiga mos emasligini va uni o‘ynay olmasligini tushundi, biroq “Sevimli suyaklar” filmini suratga olmoqchi bo‘lgan Piter Jekson Goslingni bu rolni o‘ynay olishiga ishontirdi. Suhbatdan so‘ng ijodkorlarning yo‘llari qisqa muddatga ajraldi va Rayanga yuragi ezilgan ota rolini semiz, soqolli inson sifatida taqdim etish g‘oyasi keladi. Rayan Gosling imkoniyatdan foydalanishga qaror qiladi. U soqol olishni to‘xtatdi va juda ko‘p miqdorda muzqaymoq iste’mol qildi. Biroq aktyor muzqaymoqni yeyish uchun emas, ichish uchun sotib olgan. Rayan chanqagan zahoti muzqaymoq olib, mikroto‘lqinli pechda eritib, ichdi. Muzqaymoq chanqoqni qondirmaydi, shu sababli aktyor uni ko‘p miqdorda iste’mol qilgan va natijada 27 kilogramm vazn orttirgan. Rayan suratga olish ishlaridan bir necha kun oldin Piter Jekson bilan uchrashdi, rejissor natijani ko‘rdi va Goslingni rolga qabul qilmadi, chunki uning qahramoni bunday ko‘rinishga ega bo‘lishi kerak emas edi. Rayan dastlab o‘ynashni xohlamagan rolini yo‘qotdi.
Ostin Batler — “Elvis”
Elvis Presli roliga tayyorgarlik ko‘rish uchun aktyor Ostin Batler o‘zining do‘stlari va qarindoshlari bilan muloqot qilishdan bosh tortdi, chunki u Presli rolini to‘liq qabul qilishni xohladi. Shunday qilib, oradan bir necha oy vaqt o‘tdi. Bu orada aktyor nafaqat yaqinlari bilan yaxshi munosabatini yo‘qotdi, balki vazn to‘plashga muvaffaq bo‘ldi.
Ostin Batler Gosling bilan sodir bo‘lgan voqeadan ilhomlangandi va xuddi shu narsani takrorlashga qaror qildi. Aktyor ham muzqaymoq sotib olib, chanqog‘ini qondirish uchun xuddi shu tartibda iste’mol qildi. Shu bilan birga, u o‘z parheziga juda ko‘p miqdorda ponchiklar qo‘shdi, shuning uchun tezroq vazn orttirdi. Biroq, ma’lum bo‘lishicha, Ostin Batler kerakli natijaga to‘liq erisha olmadi va maxsus kostyumni kiyishga majbur bo‘ldi.
Kristian Beyl — “Quvvat”
Kristian Beyl ko‘p yillar davomida o‘zgarishlari bilan muxlislarni hayratda qoldirdi. O‘zgarishlarning barchasi uning sog‘lig‘iga salbiy ta’sir ko‘rsatdi. Uning eng ko‘zga ko‘ringan loyihalaridan biri “Quvvat” filmi bo‘lib, aktyor bu filmda suratga tushishi uchun deyarli 20 kilogramm vazn orttirdi. Kristian bu borada Rayan Goslingdan o‘rnak olmadi va piroglar yordamida vazn to‘plashga qaror qildi. Beyl vazn yo‘qotishdan ko‘ra semirish qiziqroq ekanini aytgan.
Vinsent D’Onofrio — “Metall ko‘ylak”
Vinsent D’Onofrio bu filmga suratga tushmasidan oldin baquvvat yigit edi, biroq Stenli Kubrikka bunday aktyor kerak emas edi. Vinsentning so‘zlariga ko‘ra, u o‘z kassetasini Kubrikka yuborganidan so‘ng, rejissor undan qo‘shimcha 4 kilogramm vazn olishni so‘ragan. D’Onofrio uchun bu holat qimmatga tushmadi, chunki u Stenli Kubrik bilan ishlashni juda xohlagan. Biroq direktor bu bilan to‘xtab qolmadi. Keyingi bir necha hafta ichida Vinsent ko‘proq kassetalar yubordi. Natijada Vinsentning vazni 34 kilogrammga yetdi va u yana besh oy davomida suratga olish ishlaridan so‘ng vazn yo‘qotdi.
Rene Zellveger — "Brijet Jonesning kundaligi"
Bundan tashqari, rejissorlar aktrisalardan ham tez-tez vazn olishni so‘rashadi. Sharliz Teronning “Monstr” va “Talli” filmlaridagi qahramonini ko‘pchilik eslaydi, biroq “Brijet Jonesning kundaligi” filmi uchun intensiv mashg‘ulotlardan o‘tgan Rene Zellveger ham bu kabi e’tiborga loyiq.
Renening yordamchisi uning 13 kilogramm vazn olishi uchun har yarim soatda unga kichik likopchalarda kartoshka chipslari va ponchiklar olib kelardi va aktrisa ovqatlanish paytida spagetti iste’mol qilardi.
Izoh (0)