Голливуд актёри Брюс Уиллис 2020 йилда намойиш этилган “Ярим тунда буғдойзорда” триллерининг суратга олиш чоғида суратга олиш майдончасида эканини ва лойиҳада бош ролни ўйнаётганини унутиб қўйган. Бу ҳақда реквизит бўйича мутахассис Алисия Хаверленд интервьюсига асосланиб, “Правила жизни” нашри хабар бермоқда.
.jpg)
Эпизодлардан бири емакхонадаги саҳнани суратга олиш эди. Ўша пайтда Уиллисга хотираси панд берган ва ўзини ҳақиқатан ҳам кафега тушлик қилиш учун боргандек тутган. Кадрда актёр бир чашка кофе ичиши керак эди ва Хаверленд ҳар бир янги дубль қилишдан олдин идишдаги ичимликни тўлдирган.
Хаверленд еттинчи ёки саккизинчи дубль қилишдан олдин Уиллисга қаҳва билан яқинлашганда, актёр уни идишга ичимлик қуйишдан тўхтатган ва: “Йўқ, хоним, мен бошқа ичмайман”, — деб айтган. Реквизит бўйича мутахассис унга бу ишни суратга олиш жараёнлари учун қилаётганини тушунтиришга уринган, бироқ Уиллис буни тушунмаган ва ундан кўпроқ қаҳва буюртма беришини сўраган.
Хаверленднинг сўзларига кўра, бу “юракни ларзага солувчи” ҳолат бўлган. У суратга олиш жараёнларини тугатиш учун ўзини официант қилиб кўрсатган. Кейин у Уиллисни ҳақиқатан ҳам қаҳва сўраганига ишонтирган.
2022 йилнинг март ойида Уиллиснинг оила аъзолари актёр ўз фаолиятини якунлаётганини эълон қилди, чунки унда афазия — мия марказлари шикастланганда пайдо бўладиган нутқ бузилиши ривожланган. 2023 йилда актёрга деменция касаллиги ташхиси қўйилган эди ва афазия унинг белгиларидан бири ҳисобланади.
Изоҳ (0)