Toshkentdagi Sergeli mashina bozorida “inomarka”larning o‘rtacha narxi qancha? Toyota qancha turadi-yu, Hyundai’ni necha pulga sotib olish mumkin? “Daryo” shu kabi savollarga javob izlab Sergeli mashina bozoridan reportaj tayyorladi.
Sotuvdagi Skoda Kodiaq mashinasida 2 hajmli turbokompressor motori bor, 7 o‘rindiqli. Bu mashinaga 2021-yilda to‘lov qilingan, ammo 2022-yilda yetib kelgan. Shu bois yorliq, kuzov, avtomashina 2022-yil, ro'yxatga olish guvohnomasi (“texpasport”) 2021-yilda ro‘yxatga olingan. Avtomobil 32 ming kilometr masofa bosib o‘tgan. “Zavodskoy” bo‘yoqlari toza. To‘liq tonirovka va ovoz o'tkazmaydigan qilingan, alkantara materiali qoplangan. Narxi — 36 ming dollar.
Ushbu Toyota Prado mashinasi 2013-yilda ishlab chiqarilgan. Kuzovi 150 talik, yurgan masofasi 144 ming kilometr. Avtomashinaga optimal 2,7 motor o‘rnatilgan. Salon komplektatsiyasi o‘ziniki, shuningdek, 150 talik Toyota Prado’ning 2020-yildagi versiyasida avtomashinaga bir qator boshqa jihozlar ham qo‘shilgan. O‘rindiqlar to‘liq teri materialda, isitish, sovitish, ventilyatsiya tizimlari mavjud. Bar ichida esa maxsus muzlatkich ham bor. Avtomashinaning shift qismi to‘liq alkantara materiali bilan qoplangan, ovoz o‘tkazmaydigan qilingan. Narxi 40 ming dollar.
Elantra hozirda Hyundai zavodining eng arzon mashinasi hisoblanadi. Avtomobil ikkita bir xil kalit bilan jihozlangan, bundan tashqari, starlayn tizimi bilan himoyalangan. Motori ikki hajmli. 4-pozitsiya avtomashina 27 ming kilometr yurgan. Hyundai bu mashina uchun 100 ming kilometr yoki 5 yilga kafolat bergan. Avtomashina 29 ming dollarga baholangan.
Hyundai Tucson’ning bu krossoveri eng so‘nggi dizaynda taqdim qilingan. 2021-yilda ishlab chiqarilgan bo‘lib, 27 ming kilometr bosib o‘tgan. Motori yuqoridagi Elantra mashinasiniki bilan bir xil, faqat bunda orqa tortish funksiyasi bilan birga quti va motor qismlariga qo‘shimcha ishlovlar berilgani sababli avtomashina kuzovi katta bo‘lsa ham ikki hajmli motor to‘g‘ri kelaveradi. Avtomashina to‘liq tonirovkalangan, ovoz o‘tkazmaydigan tizimi zavodniki. Bo‘yoqlari to‘liq toza. Multirul, ovozli assistent, monitor bilan jihozlangan. 34 ming dollar miqdorida narx belgilangan.
Izoh (0)