Тошкентдаги Сергели машина бозорида “иномарка”ларнинг ўртача нархи қанча? Toyota қанча туради-ю, Hyundai’ни неча пулга сотиб олиш мумкин? “Дарё” шу каби саволларга жавоб излаб Сергели машина бозоридан репортаж тайёрлади.
Сотувдаги Skoda Kodiaq машинасида 2 ҳажмли турбокомпрессор мотори бор, 7 ўриндиқли. Бу машинага 2021 йилда тўлов қилинган, аммо 2022 йилда етиб келган. Шу боис ёрлиқ, кузов, автомашина 2022 йил, рўйхатга олиш гувоҳномаси (“техпаспорт”) 2021 йилда рўйхатга олинган. Автомобиль 32 минг километр масофа босиб ўтган. “Заводской” бўёқлари тоза. Тўлиқ тонировка ва овоз ўтказмайдиган қилинган, алкантара материали қопланган. Нархи — 36 минг доллар.
Ушбу Toyota Prado машинаси 2013 йилда ишлаб чиқарилган. Кузови 150 талик, юрган масофаси 144 минг километр. Автомашинага оптимал 2,7 мотор ўрнатилган. Салон комплектацияси ўзиники, шунингдек, 150 талик Toyota Prado’нинг 2020 йилдаги версиясида автомашинага бир қатор бошқа жиҳозлар ҳам қўшилган. Ўриндиқлар тўлиқ тери материалда, иситиш, совитиш, вентиляция тизимлари мавжуд. Бар ичида эса махсус музлаткич ҳам бор. Автомашинанинг шифт қисми тўлиқ алкантара материали билан қопланган, овоз ўтказмайдиган қилинган. Нархи 40 минг доллар.
Elantra ҳозирда Hyundai заводининг энг арзон машинаси ҳисобланади. Автомобиль иккита бир хил калит билан жиҳозланган, бундан ташқари, старлайн тизими билан ҳимояланган. Moтори икки ҳажмли. 4-позиция автомашина 27 минг километр юрган. Hyundai бу машина учун 100 минг километр ёки 5 йилга кафолат берган. Автомашина 29 минг долларга баҳоланган.
Hyundai Tucson’нинг бу кроссовери энг сўнгги дизайнда тақдим қилинган. 2021 йилда ишлаб чиқарилган бўлиб, 27 минг километр босиб ўтган. Moтори юқоридаги Elantra машинасиники билан бир хил, фақат бунда орқа тортиш функцияси билан бирга қути ва мотор қисмларига қўшимча ишловлар берилгани сабабли автомашина кузови катта бўлса ҳам икки ҳажмли мотор тўғри келаверади. Автомашина тўлиқ тонировкаланган, овоз ўтказмайдиган тизими заводники. Бўёқлари тўлиқ тоза. Мултирул, овозли ассистент, монитор билан жиҳозланган. 34 минг доллар миқдорида нарх белгиланган.
Изоҳ (0)