Qoraqalpog‘istonda yuqori tezlikda kelib, “KamAZ”ga urilgan Cobalt’ning ikki yo‘lovchisi halok bo‘ldi. Bu haqda “Bu Kun” dasturida xabar berildi. 

Xabarga ko‘ra, holat 20-may kuni A380 G‘uzor—Buxoro—Nukus avtomobil yo‘lining 749—750-kilometrida sodir bo‘lgan. 1980-yilda tug‘ilgan fuqaro boshqaruvidagi Cobalt yuqori tezlikda o‘z yo‘nalishida oldinda harakatlanib ketayotgan “KamAZ”ning orqa qismiga urilgan.

Halokat oqibatida Cobalt yo‘lovchilaridan biri voqea joyida, ikkinchisi esa shifoxonada vafot etgan. Qurbonlarning biri hali 20 yoshga ham yetmagani ta’kidlangan. Hozirda haydovchi shifoxonada.

Yo‘l-transport hodisalari bilan bog‘liq holatlar

7-may kuni Toshkentning Olmazor tumanida yo‘lovchi avtobusi va Cobalt ishtirokida YTH yuz bergani, undan oldin Qashqadaryoda ikki mashina to‘qnashuvi oqibatida ikki kishi halok bo‘lgani, Toshkentda boshqaruvni yo‘qotgan Cobalt ag‘darilib, yonib ketgani, Xorazmda yuqori tezlikda harakatlanib, daraxtga urilgan Spark yo‘lovchisi halok bo‘lgani to‘g‘risida xabar berilgandi.