Қорақалпоғистонда юқори тезликда келиб, “КамАЗ”га урилган Cobalt’нинг икки йўловчиси ҳалок бўлди. Бу ҳақда “Бу Кун” дастурида хабар берилди.
Хабарга кўра, ҳолат 20 май куни А380 Ғузор—Бухоро—Нукус автомобиль йўлининг 749—750-километрида содир бўлган. 1980 йилда туғилган фуқаро бошқарувидаги Cobalt юқори тезликда ўз йўналишида олдинда ҳаракатланиб кетаётган “КамАЗ”нинг орқа қисмига урилган.
Ҳалокат оқибатида Cobalt йўловчиларидан бири воқеа жойида, иккинчиси эса шифохонада вафот этган. Қурбонларнинг бири ҳали 20 ёшга ҳам етмагани таъкидланган. Ҳозирда ҳайдовчи шифохонада.
Йўл-транспорт ҳодисалари билан боғлиқ ҳолатлар
7 май куни Тошкентнинг Олмазор туманида йўловчи автобуси ва Cobalt иштирокида ЙТҲ юз бергани, ундан олдин Қашқадарёда икки машина тўқнашуви оқибатида икки киши ҳалок бўлгани, Тошкентда бошқарувни йўқотган Cobalt ағдарилиб, ёниб кетгани, Хоразмда юқори тезликда ҳаракатланиб, дарахтга урилган Spark йўловчиси ҳалок бўлгани тўғрисида хабар берилганди.
Изоҳ (0)