Qozog‘istonning Atirau shahrida 20-may kuni sodir bo‘lgan yo‘l-transport hodisasida 4 nafar O‘zbekiston fuqarosi halok bo‘ldi.
Respublika Ichki ishlar vazirligi xabariga ko‘ra, Dossor—Kulsari—Beyneu avtomobil yo‘lining 133-kilometrida Toyota Ipsum va “KamAz” to‘qnashib ketgan.
Hodisa oqibatida Toyota yonib ketgan, haydovchi va 3 yo‘lovchi halok bo‘lgan. Ikki yo‘lovchi turli tan jarohatlari bilan shifoxonaga yetkazilgan. Holat yuzasidan tergov ishlari olib borilmoqda.
“Hozirda jabrlanganlarning shaxsini aniqlash ishlari olib borilmoqda. Hozircha ular O‘zbekiston fuqarosi ekani ma’lum. Yil boshidan buyon mashina haydovchisiga nisbatan 10 ta bayonnoma tuzilgan”, — deydi patrul politsiyasi rota komandiri Adilbek Shaxmetov.
Izoh (0)