“Savdo-sanoat palatasi faoliyati takomillashtirilishi munosabati bilan O‘zbekiston Respublikasi prezidentining ayrim hujjatlariga o‘zgartirish va qo‘shimchalar kiritish to‘g‘risida”gi prezident farmoni qabul qilindi, deb xabar beradi Norma.

Hujjatga muvofiq:

• davlat organlari va idoralar tomonidan tadbirkorlikka oid barcha tashqi beg‘araz ko‘mak loyihalarini amalga oshirishda Savdo-sanoat palatasi loyiha hamkori sifatida jalb qilinadi.

Shuningdek, SSPning qo‘shimcha moliyalashtirish manbai sifatida davlat tomonidan ajratiladigan subsidiyalar belgilanmoqda.

Maʼlumot uchun, 2023-yilning yakuniga qadar respublikaning 23 ta tumanida SSP, xayriya mablag‘lari hamda mahalliy budjetlar mablag‘lari hisobidan “tadbirkorlar xiyobonlari” barpo etilishi rejalashtirilgan. Mazkur xiyobonlar Wi-Fi zonalarga ega bo‘ladi hamda ulardan tadbirkorlar, bank vakillari, investorlarning biznes loyihalarini muhokama qilish maydoni sifatida foydalaniladi.

Hujjat Qonunchilik maʼlumotlari milliy bazasida eʼlon qilingan va 18-maydan kuchga kirgan.

Shavkat Mirziyoyev raisligida 15-may kuni kambag‘allikni qisqartirish va bandlikni ta’minlash chora-tadbirlari muhokamasi yuzasidan videoselektor yig‘ilishida tadbirkorlarni rag‘batlantirish haqida gap borgandi. Dasturda ishtirok etadigan tadbirkorlarga soliqlardan alohida imtiyozlar beriladi. Jumladan, kamida 20 foiz kambag‘al oila a’zosini bir yil davomida ish bilan ta’minlasa, mol-mulk va yer soliqlaridan ozod qilinadi. 5 million so‘mgacha ish haqi to‘layotgan tadbirkorlarga ijtimoiy soliq stavkasi 2 baravar kamaytiriladi. Kambag‘al oila a’zosi ham daromad solig‘idan ozod qilinadi.