O‘zbekistonning tashqi savdo aylanmasi to‘rt oyda qariyb 20 milliard dollarga yetdi. Bu haqda Statistika agentligi xabar berdi.
Qayd etilishicha, 2023-yilning yanvar-aprel oylarida O‘zbekistonning tashqi savdo aylanmasi 19,6 milliard AQSH dollarni tashkil etib, 2022-yilning mos davriga nisbatan 2,3 milliard dollarga yoki 13,4 foizga oshgan.
To‘rt oyda O‘zbekistonning tashqi savdo aylanmasi hajmida eksport 7,7 milliard dollar va import 11,9 milliard dollarni tashkil etgan.
O‘zbekiston 2023-yilning yanvar—aprel oylarida jahonning 176 ta mamlakati bilan savdo aloqalarini amalga oshirgan.
O‘zbekiston dunyoning 176 mamlakati bilan savdo aloqalarini amalga oshirgan. Yil boshidan beri mamlakat va Xitoy o‘rtasida 3,3 mlrd dollarlik savdo amalga oshirilgan. 2,9 mlrd dollarlik ko‘rsatkich bilan Rossiya ikkinchi o‘rinda.
Tashqi savdo bo‘yicha 20 ta yirik hamkor-davlatlar orasidan uchta davlatda ijobiy tashqi savdo balansi kuzatilgan. Bular — Afg‘oniston, Qirg‘iziston va Tojikiston.
Respublika tashqi savdo aylanmasi tarkibida eng yuqori ulushni Toshkent shahri 39,4 foiz ulush bilan 7 716,1 million dollarni, eng quyi ulushni esa Surxondaryo viloyati 0,5 foiz ulush bilan 103 million dollarni tashkil etgan.
O‘zbekiston iqtisodiyotining rivojlanish prognozlari
O‘zbekistonda 2023-yilda iqtisodiy o‘sish 5,1 foizni tashkil etishi (Yevropa va Markaziy Osiyo mintaqasidagi hozirda prognoz qilinayotgan eng yuqori o‘sish) va o‘rta muddatli istiqbolda bosqichma-bosqich tezlashishi prognoz qilinmoqda.
Rossiyaning Ukrainadagi urushi va Rossiyaga qarshi joriy etilgan sanksiyalar bilan bog‘liq transport logistikasidagi qiyinchiliklar oziq-ovqat va energiya narxlarining yuqori bo'lishiga va shaxsiy iste'molni kamaytirishga turtki bo‘lib qolishi kutilmoqda.
Izoh (0)