Tabiat resurslari vazirligi huzuridagi Atrof-muhit va tabiatni muhofaza qilish texnologiyalari ilmiy-tadqiqot instituti Janubiy Koreyaning Geostory kompaniyasi bilan hamkorlikda yangi grant loyihasini amalga oshirmoqda.
Mazkur loyiha Janubiy Koreyaning Atrof-muhit sanoati va texnologiyalari instituti tomonidan moliyalashtirilgan. Loyihadan ko‘zlangan maqsad Chirchiq daryosi havzasida suv ifloslanishini “aqlli” boshqarish tizimi va Atrof-muhit monitoringi markazini tashkil etishdan iborat.
Ma’lumot uchun, ayni damda Geostory kompaniyasi vakillari O‘zbekistonda bo‘lib turibdi. Tashrifdan maqsad suv resurslarini boshqarishning “aqlli” tizimini joriy qilish va atrof-muhit monitoringi markazini tashkil etish yo‘nalishida hamkorlikning ustuvor yo‘nalishlarini aniqlash hisoblanadi.
Geostory kompaniyasi vakillari O‘zbekiston Respublikasi Tabiat resurslari vazirligi va ilmiy tadqiqot instituti mas’ul xodimlari bilan birgalikda Toshkent viloyatidagi Chirchiq daryosi havzasini ko‘zdan kechirishdi. Tashrif 22-maygacha davom etadi.
Izoh (0)