Ўзбекистоннинг ташқи савдо айланмаси тўрт ойда қарийб 20 миллиард долларга етди. Бу ҳақда Статистика агентлиги хабар берди.
Қайд этилишича, 2023 йилнинг январь апрель ойларида Ўзбекистоннинг ташқи савдо айланмаси 19,6 миллиард АҚШ долларни ташкил этиб, 2022 йилнинг мос даврига нисбатан 2,3 миллиард долларга ёки 13,4 фоизга ошган.
Тўрт ойда Ўзбекистоннинг ташқи савдо айланмаси ҳажмида экспорт 7,7 миллиард доллар ва импорт 11,9 миллиард долларни ташкил этган.
Ўзбекистон 2023 йилнинг январь—апрель ойларида жаҳоннинг 176 та мамлакати билан савдо алоқаларини амалга оширган.
Ўзбекистон дунёнинг 176 мамлакати билан савдо алоқаларини амалга оширган. Йил бошидан бери мамлакат ва Хитой ўртасида 3,3 млрд долларлик савдо амалга оширилган. 2,9 млрд долларлик кўрсаткич билан Россия иккинчи ўринда.
Ташқи савдо бўйича 20 та йирик ҳамкор-давлатлар орасидан учта давлатда ижобий ташқи савдо баланси кузатилган. Булар — Афғонистон, Қирғизистон ва Тожикистон.
Республика ташқи савдо айланмаси таркибида энг юқори улушни Тошкент шаҳри 39,4 фоиз улуш билан 7 716,1 миллион долларни, энг қуйи улушни эса Сурхондарё вилояти 0,5 фоиз улуш билан 103 миллион долларни ташкил этган.
Ўзбекистон иқтисодиётининг ривожланиш прогнозлари
Ўзбекистонда 2023 йилда иқтисодий ўсиш 5,1 фоизни ташкил этиши (Европа ва Марказий Осиё минтақасидаги ҳозирда прогноз қилинаётган энг юқори ўсиш) ва ўрта муддатли истиқболда босқичма-босқич тезлашиши прогноз қилинмоқда.
Россиянинг Украинадаги уруши ва Россияга қарши жорий этилган санкциялар билан боғлиқ транспорт логистикасидаги қийинчиликлар озиқ-овқат ва энергия нархларининг юқори бўлишига ва шахсий истеъмолни камайтиришга туртки бўлиб қолиши кутилмоқда.
Изоҳ (0)