Sirdaryo viloyati Shirin shahrida xotinini farzandi yonida pichoqlab o‘ldirgan erkakka sud hukmi o‘qildi.
Ma’lum qilinishicha, er Rossiyada ishlab yurgan vaqtida ayolini begonalardan rashk qilib, muntazam janjal qilib kelgan. Ayol doimiy janjal sabab uch nafar farzandi bilan ota uyiga ketib, eri bilan ajrashmoqchi bo‘lgan.
Shundan so‘ng er ayolining shaxsiy telefonini tekshirganda, boshqa inson bilan gaplashib yurishini bilib qolgan va jahl ustida pichoq bilan xotiniga zarba bergan. Hodisa ularning 10 yoshli farzandi ko‘z o‘ngida sodir bo‘lgan.
Hodisa oqibatida ayol voqea joyida halok bo‘lgan. Erkak xotinini o‘ldirib, voqea joyidan qochib ketgan. Sudlanuvchi sud majlisida o‘z aybiga to‘liq iqror bo‘lib, bu ishga xotinining xiyonati va bolalarini unga ko‘rsatmagani sabab bo‘lganini aytgan.
Jinoyat ishlari bo‘yicha Shirin shahar sudining hukmiga ko‘ra, erkak Jinoyat kodeksining 97-moddasi (qasddan odam o‘ldirish) 2-qismi “j” (o‘ta shafqatsizlik bilan) bandi bilan aybli deb topilib, 18 yil muddatga ozodlikdan mahrum qilindi.
Izoh (0)