Shavkat Mirziyoyev Yevropa tiklanish va taraqqiyot banki Boshqaruvchilar kengashining yillik yig‘ilishida ishtirok etish uchun Samarqand shahriga jo‘nab ketdi. Bu haqda Prezident matbuot xizmati xabar berdi.
Davlat rahbari yig‘ilishda nutq so‘zlashi, tadbir doirasida ikki tomonlama uchrashuvlar o‘tkazishi rejalashtirilgan.
Samarqandda 16-may kuni Yevropa tiklanish va taraqqiyot banki (YTTB) Boshqaruvchilar kengashining “Iqtisodiy chidamlilik va barqarorlikka investitsiyalar kiritish” mavzusidagi 32-yillik yig‘ilishi boshlandi. O‘zbekiston tomonidan ushbu tadbirni o‘tkazish uchun ariza 2019-yilda berilgan va 2022-yilda tasdiqlangan.
Tadbirning uch kunlik kun rejasidan ekspertlar ishtirokidagi turli mavzularda mintaqalar va alohida mamlakatlarga bag‘ishlangan bir qator panel munozaralari o‘rin olgan. Ular qatoridan:
- xalqaro savdo munosabatlari;
- energiya xavfsizligi va qayta tiklanadigan energiya manbalari;
- kichik va o‘rta biznesning iqtisodiyotdagi ahamiyati;
- rivojlanayotgan bozorlarda raqamlashtirish jarayonlari;
- YTTB “Yashil shaharlar” dasturi;
- YTTBning “Mintaqaviy iqtisodiy istiqbollar” mavzusidagi asosiy makroiqtisodiy tadqiqoti va boshqalar o‘rin olgan.
Izoh (0)