Toshkent xalqaro investitsiya forumi doirasida 24-mart kuni Shavkat Mirziyoyev Yevropa tiklanish va taraqqiyot banki rahbari Odil Reno-Basso xonimni qabul qildi. Bu haqda Prezident matbuot xizmati xabar qildi.
Qayd etilishicha, uchrashuvda mamlakatda ijtimoiy-iqtisodiy islohotlar dasturini ilgari surishda Yevropa tiklanish va taraqqiyot bankining faol ishtirokini davom ettirishga doir amaliy jihatlar muhokama qilingan. Keyingi yillarda O‘zbekiston va YTTB hamkorligida yangi darajaga erishilgani qayd etilgan.
Bankning mamlakatdagi loyihalari portfeli 3 milliard yevroga yetgan, unda xususiy sektorga investitsiyalar ulushi 50 foizgacha oshgan. Ushbu yetakchi moliyaviy institutning sarmoyalari hajmi bo‘yicha O‘zbekiston ketma-ket ikkinchi yil mintaqada peshqadam bo‘lib turibdi. YTTBning Andijon va Urganch shaharlaridagi filiallari faoliyat yuritmoqda.
Prezident Odil Reno-Basso davlat rahbarini Toshkent xalqaro investitsiya forumining muvaffaqiyatli o‘tkazilgani bilan qutlab, bank O‘zbekistonning Taraqqiyot strategiyasi maqsadlariga erishish yo‘lida to‘liq qo‘llab-quvvatlashga tayyorligini tasdiqlagan.
Shuningdek, kelgusi yilda O‘zbekistonda YTTB Boshqaruvchilar kengashining yillik yig‘ilishini o‘tkazishga tayyorgarlikning borishi ko‘rib chiqilgan.
Izoh (0)