“Barselona” La Liga chempionligini qo‘lga kiritdi va buni yorqin tarzda nishonladi. 15-may kuni Kataloniya poytaxti ko‘chalarida La Liga g‘olibi bo‘lgan jamoaning chempionlik paradi bo‘lib o‘tdi.
Shahar gvardiyasining ma’lumotlariga ko‘ra, 4 yil kutilgan chempionlik bayramini nishonlash uchun 76 mingga yaqin muxlis ko‘chaga chiqqan.
“Anchadan beri bunday nishonlamagan edik, oradan ko‘p yillar o‘tdi. Kecha mehmonda o‘ynadik va uzoq nishonlay olmadik, ammo endi bizda Barselona ko‘chalarida va “Kamp Nou”da bayram qilish imkoniyati bor. Bu muhim bayram”, — dedi allaqachon jamoaning faxriy futbolchisiga aylangan Serxi Roberto.
“Avval hech qachon bunday bayramni ko‘rmaganman, juda ham xursandman”, — dedi “Barselona” himoya chizig‘i yetakchisi Ronald Arauxo.
Izoh (0)