“Chelsi” tez orada Maurisio Pochettino bilan shartnoma imzolaydi.
Fabrisio Romanoning xabariga ko‘ra, mutaxassis shartnoma imzolash uchun ushbu haftada Londonga keladi. Argentinalik murabbiy bilan 2026-yil yoziga qadar mo‘ljallangan shartnoma imzolanishi kutilmoqda.
Bitim imzolangach, Pochettino rahbariyat bilan transfer rejalarni muhokama qiladi. “Chelsi” yozda hujumchi va yarim himoyachi olib keladi.
Qayd etib o‘tish joiz, londonliklarni joriy mavsum uch murabbiy boshqardi. 2022/23-yilgi mavsum boshida Tomas Tuxel jamoa murabbiyi bo‘lgan bo‘lsa, uning o‘rnini sentabr oyida Potter egalladi. Oradan 7 oy o‘tib, Frenk Lempard “Chelsi” boshqaruviga keldi. Lempard qo‘l ostida jamoa barcha musobaqalarda 8 ta o‘yin o‘tkazib, bittasida g‘alaba qozondi, bitta o‘yinda durang o‘ynadi va 6 ta o‘yinda mag‘lubiyatga uchradi.
“Aristokratlar” 2022/23-yilgi mavsum APLda 35 o‘yindan so‘ng 43 ochko bilan 11-pog‘onani egallab turibdi.
Izoh (0)