“Barselona” mehmonda “Espanyol” ustidan g‘alaba qozondi (4:2) va Ispaniya La Ligasi chempioniga aylandi. Biroq jamoa chempionlikni nishonlayotgan vaqtda noxush holat yuz berdi.
“Barselona” 27 karra La Liga g‘olibiga aylandi. Xavi murabbiy sifatida o‘zining ilk chempionligini nishonladi.
Xavi jamoasi uzoq kutilgan chempionlikni nishonlashni boshladi. Biroq “Espanyol” muxlislari bunga yo‘l qo‘ymadi. Bu g‘alaba “Barselona” safidagi ko‘pchilik uchun birinchisi edi.
Katalon klubi maydon markazida aylana bo‘lib, chempionlikni nishonlayotgandi. Biroz vaqtdan keyin futbolchilardan biri noxush holatni sezib qoldi va barcha kiyim almashtirish xonasiga qochishni boshladi.
Tribunadan “Espanyol” muxlislari maydonga tushishni boshladi. Ishqibozlar azaliy raqib ularning maydonida chempionlikni nishonlayotganiga jim qarab turolmadi.
Ko‘plab muxlislar final hushtagi chalinishi bilan maydonga yugurib chiqdi. “Barselona” futbolchilari yashirinish uchun yugurishga majbur bo‘ldi.
Ma’lumot uchun, “Barselona” 1999-yildan beri birinchi marta Lionel Messisiz Ispaniya chempionatida g‘olib chiqdi.
Tartibsizliklar boshlandi.
Maydon xizmatchilari vaziyatga ancha kech aralashdi.
Styuardlar bundan noxush holatning oldini olishi kerak edi. Ammo ular maydonda yotgan muxlislarni tashqariga olib chiqish bilan shug‘ullandi.
.jpg)
ESPN telekanali kameralari kiyim almashtirish xonasiga olib boradigan tonnelda Serxio Busketsning kimgadir baqirayotganini suratga oldi. Biroq yarim himoyachi nima sababdan g‘azablangani ma’lum emas.
https://twitter.com/ESPNFC/status/1657856073695657984“Barselona” chempionga aylangan oqshom shunday yakunlandi.
Izoh (0)