“Barselona” derbida g‘alaba qozonib, muddatidan avval La Liga g‘olibligini qo‘lga kiritdi

Futbol bo‘yicha Ispaniya La Ligasining 34-turidan o‘rin olgan qator uchrashuvlar 14-may, yakshanba kuni bo‘lib o‘tdi.

“Barselona” safarda “Espanyol” mehmoni bo‘ldi va 4:2 hisobda zafar quchdi. “Ko‘k-anorranglilar” safida Robert Levandovski dubl qayd etgan bo‘lsa, Alexandro Balde va Jyul Kunde bittadan gol muallifiga aylandi.

Ushbu g‘alaba evaziga “Barselona” muddatidan avval chempionlik masalasini hal qilib qo‘ydi. Mavsum tugashiga to‘rtta tur qolganda katalonlar eng yaqin ta’qibchisi “Real”ni 14 ochkoga ortda qoldirmoqda.

“Atletiko” mazkur turda “Elche”ga yutqazib qo‘ydi va ikkinchi o‘ringa ko‘tarilib olish imkoniyatini qo‘ldan chiqardi.

34-turdan keyin musobaqa jadvalidagi holat:

La Liga

34-tur bahslari

14-may, yakshanba

“Espanyol” – “Barselona” 2:4

Gollar: 0:1 – 11 Levandovski, 0:2 – 20 Balde, 0:3 – 40 Levandovski, 0:4 – 53 Kunde, 1:4 – 73 Puado, 2:4 – 90 Xoselu.

“Espanyol”: Pacheko, Xil, Kabrera, Serdji Gomes (Puado, 46), Montes, Olivan (Koliosho, 84), Denis Suares (Kalero, 46), Darder, Melamed (Eksposito, 87), Xoselu, Breytueyt (Pedrosa, 55).

“Barselona”: ter Shtegen, Kunde, Kristensen (Alonso, 74), Arauxo (Alba, 63), Balde, Buskets, de Yong, Pedri (Kessie, 89), Gavi (Fati, 74), Rafinya (Dembele, 62), Levandovski.

Ogohlantirishlar: Kunde (2), Gavi (39), Darder (39), Alba (82).

“Elche” – “Atletiko” 1:0

Gol: 1:0 – 41 Fidel.

“Selta” – “Valensiya” 1:2

Gollar: 0:1 – 8 Klyuyvert, 1:1 – 60 Seferovich, 1:2 – 88 Mari.

“Valyadolid” – “Sevilya” 0:3

Gollar: 0:1 – 50 Rafa Mir, 0:2 – 78 Gomes, 0:3 – 90 Korona.