Superliga. “Navbahor” o‘zida g‘alaba qozondi, “OKMK” so‘nggi daqiqalarda urilgan gollar evaziga “Andijon”dan ustun keldi

Futbol bo‘yicha O‘zbekiston Superligasining 10-turidan o‘rin olgan ikki o‘yin 14-may, yakshanba kuni o‘tkazildi.

“Navbahor” o‘z maydonida “Surxon”ni qabul qildi. Uchrashuvning 42-daqiqasida Jasur Yaxshiboyevning penaltidan urgan goli o‘yin taqdirini hal qildi.

Namangan jamoasi ochkolarini 19 taga yetkazib olgan holda 2-o‘rinda bormoqda. “Surxon” 12 ochko bilan 8-pog‘onani band etgan.

Yana bir bahs “OKMK” va “Andijon” jamoalari o‘rtasida kechdi. 35-daqiqada Rubin Hebay andijonlikni oldinga olib chiqqan bo‘lsa, 81-daqiqada Martin Boakye muvozanatni tikladi. Hakam tomonidan qo‘shib berilgan vaqtda Boakye dubl qayd etib, Olmaliq jamoasining g‘alabasini ta’minladi.

Shu tariqa “OKMK” ochkolarini 16 taga yetkazib olgan holda 4-pog‘onaga ko‘tarildi, “Andijon” 9 ochko bilan 10-o‘rinda qolmoqda.

Superliga

10-tur bahslari

14-may, yakshanba

“Navbahor” – “Surxon” 1:0

Gol: 1:0 – 42, penalti Yaxshiboyev.

“Navbahor”: 1. O‘tkir Yusupov, 6. Ibrohim Yo‘ldoshev, 7. Oston O‘runov, 8. Jasur Yaxshiboyev (21. Temurxo‘ja Abduxoliqov, 53), 10. Jamshid Iskandarov, 11. Shohruz Norxonov, 17. Abror Ismoilov, 22. Igor Golban, 27. Shahboz Jo‘rabekov, 31. Luka Chermel, 77. Asadbek Sobirjonov.

“Surxon”: 1. Artyom Potapov, 2. Bobur Asqarov (5. Aziz Pirmuhammadov, 81), 3. Sunnatulloh Hamidjonov, 7. Doston Tursunov, 8. Humoyun Sherbo‘tayev, 10. Tamirlan Jamalutdinov (4. Shamil Gasanov, 46), 18. Silvanus Nimeli, 19. Nuriddin Hasanov (9. Muhammadali Abdurahmonov, 89), 27. Asilbek Jumayev (17. Jahongir Abdusalomov, 81), 55. Shohjahon Sultonmurodov, 66. Bexruz Shaydulov.

Ogohlantirish: Sultonmurodov (69).

“OKMK” – “Andijon” 2:1

Gollar: 0:1 – 35 Hebay, 1:1 – 81 Boakye, 2:1 – 90+1 Boakye.

“OKMK”: 1. Botirali Ergashev, 2. Akrom Komilov (29. Vitaliy Denisov, 85), 3. Sardor Rahmonov, 5. Anzur Ismoilov, 7. Dilshod Ahmadaliyev, 4. Mirjamol Qosimov (22. Shohruh Gadoyev, 46), 8. Abdulla Abdullayev, 10. Xurshid G‘iyosov, 17. Sanjar Tursunov (15. Oybek Rustamov, 73), 88. Siavash Haqnazari (27. Martin Boakye, 46), 9. Ruben Sanches (14. Mirjahon Mirahmadov 73).

“Andijon”: 72. Igor Litovka, 4. Dilshod Komilov, 14. Abdurahmon Komilov, 15. Vladimir Bubanya, 66. Ilhom Alijonov, 9. Levan Arveladze, 10. Ilhom Abdug‘aniyev, 13. Sardor Azimov (88. Nodar Kavtaradze, 52), 26. Muhammadkarim Toirov, 17. Farhod Sohibjonov, 99. Rubin Hebay.

Ogohlantirishlar: Tursunov (44), Gadoyev (63).