APL. “Manchester Siti” autsayderga imkon qoldirmadi, “Arsenal” yirik hisobda mag‘lub bo‘ldi

Futbol bo‘yicha Angliya Premyer Ligasining 36-turidan o‘rin olgan qator uchrashuvlar 14-may, yakshanba kuni o‘tkazildi.

“Manchester Siti” safarda “Everton”ga qarshi bahs olib bordi va yirik hisobda g‘alaba qozondi. Uchrashuvda Ilkay Gundo‘g‘an dubl qayd etgan bo‘lsa, Erling Holand o‘z hisobiga bitta gol yozdirib qo‘ydi.

“Shaharliklar”ning ta’qibchisi “Arsenal” esa “Brayton”ni qabul qildi. Mazkur o‘yinda Mikel Arteta shogirdlari yirik hisobdagi mag‘lubiyatni qabul qilib oldi. Mehmonlarning gollariga Xulio Ensiso, Denis Undav va Pervis Estupinyan muallif bo‘ldi.

Shu tariqa mavsum tugashiga ikki tur qolganda “Manchester Siti” va “Arsenal” jamoalari orasidagi farq 4 ochkoga yetdi. Bitta zaxira o‘yiniga Pep Gvardiola shogirdlari keyingi uch o‘yindan bittasiga yutsa, chempionlik masalasini hal qiladi.

APL

36-tur bahslari

14-may, yakshanba

“Everton” – “Manchester Siti” 0:3

Gollar: 0:1 – 37 Gundo‘g‘an, 0:2 – 39 Holand, 0:3 – 51 Gundo‘g‘an.

“Everton”: Pikford, Patterson, Tarkovski, Mina, Holgeyt (Koudi, 56), Guye (Onana, 56), Dukure, Garner (Grey, 76), Ivobi, Maknil, Kelvert-Lyuin (Mope, 46).

“Manchester Siti”: Ederson, Uoker, Lyaport, Ruben Diash (Serxio Gomes, 90), Akanji, Gundo‘g‘an (Bernardu Silva, 78), Rodri (Fillips, 88), Foden, Mahrez, Holand (Grilish, 78), Alvares.

“Arsenal” – “Brayton” 0:3

Gollar: 0:1 – 51 Ensiso, 0:2 – 86 Undav, 0:3 – 90+6 Estupinyan.

“Arsenal”: Remsdeyl, Uayt, Gabriel, Kiver, Tirni, Jaka (Nelson, 60), Jorjinyo (Parti, 60), Edegor (Smit-Rou, 77), Saka, Martinelli (Trossard, 20), Gabriel Jezus (Nketia, 77).

“Brayton”: Stil, Dank, Koluill, Estupinyan, Gross, Mak Allister, Gilmor (Uelbek, 60), Ensiso (Undav, 82), Mitoma, Kaysedo, Fergyuson (Buonanotte, 77).

Ogohlantirishlar: Estupinyan (34), Gross (55), Arteta (64), Parti (88).

“Brentford” – “Vest Hem” 2:0

Gollar: 1:0 – 20 Mbemo, 2:0 – 43 Vissa.