O‘zbekistonning Toshkent shahrida 1—14-may kunlari bo‘lib o‘tgan boks bo‘yicha Jahon chempionati yakunlandi.
O‘zbekiston delegatsiyasi musobaqada 9 ta medal (5 oltin, 2 tadan kumush va bronza) qo‘lga kiritgan holda umumjamoa hisobida birinchi o‘rinni egalladi. Bu medallar soni va sifatida bo‘yicha O‘zbekistonning Jahon chempionatlaridagi eng yaxshi natijasi bo‘ldi.
O‘zbekiston terma jamoasi safida sovrindor bo‘lgan bokschilar:
Oltin
- -51 kg: Hasanboy Do‘stmatov
- -57 kg: Abdumalik Halokov
- -63,5 kg: Ruslan Abdullayev
- -67 kg: Asadxo‘ja Mo‘ydinxo‘jayev
- +92 kg: Bahodir Jalolov
Kumush
- -54 kg: Oybek Jo‘rayev
- -71 kg: Saidjamshid Ja’farov
Bronza
- -75 kg: A’loxon Abdullayev
- -92 kg: Lazizbek Mullajonov
O‘zbekiston terma jamoasi musobaqada barcha 13 vazn toifasi bo‘yicha bir nafar ishtirokchi bilan qatnashdi. Shodiyor Meliqo‘ziyev (-48 kg) va Jasurbek Yo‘ldoshev (-80 kg) Jahon chempionati bilan erta xayrlashgandi.
Umumjamoa hisobida Qozog‘iston (4 oltin, 1 kumush) ikkinchi bo‘ldi. Rossiya (2 oltin, 4 bronza) esa uchinchi o‘rinni oldi. Shuningdek, Kuba va Fransiya terma jamoalari ham Toshkentni oltin medal bilan tark etadigan bo‘ldi.
-51 kg vazn toifasi chempionligini qo‘lga kiritgan Hasanboy Do‘stmatov musobaqaning eng yaxshi bokschisi deb topildi. O‘zbekiston delegatsiyasi esa eng yaxshi terma jamoa nomiga loyiq ko‘rildi.
Izoh (0)