“Челси” тез орада Маурисио Почеттино билан шартнома имзолайди.
Фабрицио Романонинг хабарига кўра, мутахассис шартнома имзолаш учун ушбу ҳафтада Лондонга келади. Аргентиналик мураббий билан 2026 йил ёзига қадар мўлжалланган шартнома имзоланиши кутилмоқда.
Битим имзолангач, Почеттино раҳбарият билан трансфер режаларни муҳокама қилади. “Челси” ёзда ҳужумчи ва ярим ҳимоячи олиб келади.
Қайд этиб ўтиш жоиз, лондонликларни жорий мавсум уч мураббий бошқарди. 2022/23 йилги мавсум бошида Томас Тухель жамоа мураббийи бўлган бўлса, унинг ўрнини сентябрь ойида Поттер эгаллади. Орадан 7 ой ўтиб, Фрэнк Лэмпард “Челси” бошқарувига келди. Лэмпард қўл остида жамоа барча мусобақаларда 8 та ўйин ўтказиб, биттасида ғалаба қозонди, битта ўйинда дуранг ўйнади ва 6 та ўйинда мағлубиятга учради.
“Аристократлар” 2022/23 йилги мавсум АПЛда 35 ўйиндан сўнг 43 очко билан 11-поғонани эгаллаб турибди.
Изоҳ (0)