Namanganda viloyat hududiga noqonuniy olib kirilgan qariyb 200 mln so‘mlik tamaki mahsulotlari yoqib yuborildi. Bu haqda “Daryo” muxbiri Azizbek Abduvaliyev xabar bermoqda.
Foto: MIB Namangan viloyat boshqarmasi
MIB Uychi tuman bo‘limiga jinoyat ishlari bo‘yicha sudlar tomonidan viloyatga noqonuniy yo‘llar orqali kiritilgan tamaki mahsulotlari yuzasidan hujjatlar taqdim etilgandi. Salkam 29 ming qutidan iborat 3 turdagi ushbu mahsulotlarning bozor bahosi 197 million so‘mni tashkil etdi.
Bo‘lim xodimlari tomonidan mazkur hujjatlar ijrosi taʼminlandi va jinoiy ish materiallarida ashyoviy dalil sifatida qayd etilgan tamaki mahsulotlari yoqish orqali yo‘q qilindi.
Maʼlumot uchun, MIB Uychi tuman bo‘limi tomonidan joriy yilning o‘zida 5 ta holatda 112 million so‘mlik 16 607 quti noqonuniy muomalaga kiritilgan tamaki mahsulotlari tegishli tartibda yo‘q qilingandi.
Izoh (0)