Наманганда вилоят ҳудудига ноқонуний олиб кирилган қарийб 200 млн сўмлик тамаки маҳсулотлари ёқиб юборилди. Бу ҳақда “Дарё” мухбири Азизбек Абдувалиев хабар бермоқда.
Фото: МИБ Наманган вилоят бошқармаси
МИБ Уйчи туман бўлимига жиноят ишлари бўйича судлар томонидан вилоятга ноқонуний йўллар орқали киритилган тамаки маҳсулотлари юзасидан ҳужжатлар тақдим этилганди. Салкам 29 минг қутидан иборат 3 турдаги ушбу маҳсулотларнинг бозор баҳоси 197 миллион сўмни ташкил этди.
Бўлим ходимлари томонидан мазкур ҳужжатлар ижроси таъминланди ва жиноий иш материалларида ашёвий далил сифатида қайд этилган тамаки маҳсулотлари ёқиш орқали йўқ қилинди.
Маълумот учун, МИБ Уйчи туман бўлими томонидан жорий йилнинг ўзида 5 та ҳолатда 112 миллион сўмлик 16 607 қути ноқонуний муомалага киритилган тамаки маҳсулотлари тегишли тартибда йўқ қилинганди.
Изоҳ (0)