Samarqand viloyati Paxtachi tumanida 9-may kuni portlash sodir bo‘lgani to‘g‘risida xabar berilgandi. Viloyat IIBning ma’lum qilishicha, holat yuzasidan jinoyat ishi qo‘zg‘atilgan.
“Paxtachi tumanida sodir bo‘lgan yong‘in holati yuzasidan viloyat IIB huzuridagi Tergov boshqarmasi tomonidan Jinoyat kodeksining 259-moddasi (yong‘in xavfsizligi qoidalarini buzish) 1-qismi bilan jinoyat ishi qo‘zg‘atilib, sudga oid tibbiyot, yong‘in-texnika va baholash ekspertizalari tayinlangan”, — deyiladi xabarda.
Favqulodda vaziyatlar vazirligiga ko‘ra, yong‘in “Yangiobod” mahallasida joylashgan tumangaz korxonasi hududidagi portlash oqibatida sodir bo‘lgan. Gaz quyish shoxobchasi hududida bo‘lgan 3 ta Isuzu avtomashinasi va ularda sig‘imi 50 litrli suyultirilgan uglevodorod gazlari bo‘lgan ballonlar yonib zararlangan.
Hodisa shoxobchadagi MAN rusumli suyultirilgan gaz tashuvchi avtomashinadan gazni zaxira sig‘imiga bo‘shatish jarayonida texnika xavfsizligi qoidalarining buzilishi oqibatida yuzaga kelgani taxmin qilinmoqda. Dastlabki ma’lumotlarda aytilishicha, hodisa oqibatida bir nafar fuqaro tan jarohati olgan.
Izoh (0)