Toshkent viloyati Olmaliq shahrida joylashgan korxonada 15-iyun kuni portlash sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 17:55 da Olmaliq shahridagi “Ammafos-Maksam” korxonasi hududida ijarada faoliyat yuritayotgan “Maksam-O‘zbekiston” qo‘shma korxonasi sexida texnologik jarayonning buzilishi oqibatida portlash yuz bergan.
Dastlabki ma’lumotlarga ko‘ra, hodisada ushbu sexning bino konstruksiyalari buzilgan. Shuningdek, voqea joyiga yaqin bo‘lgan yuk mashinasi haydovchisi tan jarohati olgan. Ayni vaqtda jabrlangan fuqaro shahar tibbiyot birlashmasida shifokorlar nazoratida, ahvoli qoniqarli.
Sodir bo‘lgan vaziyat oqibatida ishchi-xodimlarning halok bo‘lish holatlari qayd etilmagan.
Voqea joyiga favqulodda vaziyatlar vaziri boshchiligida viloyat hokimligi, prokuratura, IIV, Milliy gvardiya va boshqa tashkilotlar vakillari yetib borgan. Hozirda vaziyat oqibatlarini bartaraf etish ishlari amalga oshirilmoqda.
Mavzuga doir:
- Toshkentdagi Latviya—O‘zbekiston qo‘shma korxonasida yuzaga kelgan yirik yong‘in sabablari ma’lum qilindi
- Namangandagi zapravkalardan birida portlash sodir bo‘ldi
- “Hammomdan chiqmoqchi bo‘lib turganimizda portlash bo‘ldi, keyin bilsam, ikki sherigim vafot etibdi”. Farg‘onadagi portlashdan jabrlanganlar voqea haqida
Izoh (0)