Janubiy Koreyaning Yansan shahridagi (Janubiy Kyonsan provinsiyasi) zavodda ishlagan O‘zbekiston fuqarosi xizmat vazifasini bajarayotib, harorati 67 daraja bo‘lgan issiq suv bakiga tushib ketishi oqibatida olgan jarohatlari tufayli vafot etdi.
Yansan politsiyasi xabar berishicha, marhum 20 yoshlardagi yigit bo‘lib, metall quvurlar yasashda foydalaniladigan issiq suv idishining haroratni boshqarish pulti bilan ishlayotgan vaqtida sirpanib ketib, chuqurligi va eni 1,5 metr, uzunligi esa 7 metr bo‘lgan bakka tushib ketgan.
Yigit kuchli kuyish jarohatidan davolanganidan keyin to‘qqiz kun o‘tib jon bergan. Politsiya xavfsizlik protokollariga rioya qilinganlik jarayonini tekshirmoqda.
“Issiq suv idishi atrofida hech qanday himoya panjaralari o‘rnatilmagani bois korxona vakili va boshqalar xavfsizlik qoidalariga to‘g‘ri rioya qilganmi yoki yo‘q, tekshiruv o‘tkazilmoqda”, — deyiladi boshqarma xabarida.
Izoh (0)