Twitter ijtimoiy tarmog‘ida audio va videoqo‘ng‘iroq funksiyalari paydo bo‘ladi

Twitter ijtimoiy tarmog‘ida tez orada audio va video qo‘ng‘iroqlar funksiyalari paydo bo‘ladi. Bu haqda ijtimoiy tarmoq egasi Ilon Mask ma’lum qildi.

“Tez orada ushbu platformaning har bir foydalanuvchisi uchun ovozli va videochat paydo bo‘ladi va siz dunyoning istalgan nuqtasidagi odamlar bilan telefon raqamingizni bermasdan muloqot qilish imkoniyatiga ega bo‘lasiz”, — dedi Mask o‘z xabarida.

Unga ko‘ra, ijtimoiy tarmoq mobil dasturining so‘nggi versiyasida ham yangiliklar mavjud.

Jumladan, Twitter funksiyalariga shaxsiy xabarlarni shifrlash imkoniyati va mavzudagi avval yozilgan har qanday xabarga javob qaytarish funksiyasi qo‘shiladi.

“Mobil dasturning so'nggi versiyasida siz mavzudagi istalgan xabarga (nafaqat oxirgisiga) shaxsiy xabar orqali javob yuborishingiz va har qanday emoji reaksiyasidan foydalanishingiz mumkin”, — deb yozdi Mask.