Surxondaryo viloyati Sariosiyo tumanida ko‘chada qizni do‘pposlagan erkakka jinoyat ishi qo‘zg‘atildi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, holat 22-aprel kuni tumanning “Shirin” mahallasi hududida joylashgan “Chumchuqlijar” chegara postida sodir bo‘lgan. Denov tumanida yashovchi D.B. shu tumanda yashovchi K.I. ismli qizni duch kelgan joylariga qo‘li bilan urib, unga tan jarohati yetkazgan.
Shundan so‘ng 3-may kuni D.B.ga nisbatan Jinoyat kodeksining 277-moddasi 1-qismi bilan jinoyat ishi qo‘zg‘atilgan.
Bir necha kun oldin Toshkent shahar Mirobod tumanida erkak 17 yoshli qizga tegajog‘lik qilgani aks etgan video tarqalgan edi. Ushbu qizning otasi IIB xodimlaridan aybdorga qattiq chora ko‘rilishini so‘ragan.
Izoh (0)