Tojikistonning Dushanbe—Chanoq avtomagistralida yuz bergan yo‘l-transport hodisasida olti kishi halok bo‘ldi. Bu haqda respublika Favqulodda holatlar vazirligiga tayanib, “Daryo”ning Dushanbedagi muxbiri xabar berdi.
Ma’lum qilinishicha, So‘g‘d viloyatining Ayni tumani markazidan Panjakent shahriga eltuvchi katta yo‘lda Starex rusumli mashina haydovchisi boshqaruvni yo‘qotib, 200 metrlik balandlikdan pastga qulab ketgan. Natijada haydovchi bilan birga 5 nafar yo‘lovchi halok bo‘lgan.
Qutqaruvchilarning aytishicha, marhumlarning jasadlari ichki ishlar xodimlariga topshirilgan. Bir ayol bilan uch nafar bola turli darajadagi jarohati olgan va Ayni tumani kasalxonasiga yuborilgan. Hozirda Tojikiston FHV va Ichki ishlar mutasaddilari tomonidan avtohalokatga sabab bo‘lgan holatlar o‘rganilmoqda.
Choryor Avliyozoda, Dushanbe
Izoh (0)