Ipak matodan tikilgan yostiq jildlarining qanday foydali jihati bor?

Teriga g‘amxo‘rlik qilishda nafaqat kosmetik mahsulotlarini tanlashga, balki uxlayotgan narsangizga ham e’tibor bilan yondashish kerak. Kechki muolajangiz nechta bosqichda bo‘lishidan qat’i nazar, agar uyqu sifati yaxshi bo‘lmasa, ularning ko‘plari foydasiz bo‘ladi. Bu holatda sochingiz, teringiz va butun vujudingizga foyda keltiradigan vosita — ipak matodan tikilgan yostiq jildlari hisoblanadi.

Birinchidan, ipak — haroratni tartibga soluvchi tabiiy tola. Bu yozda salqin va qishda issiq haroratni his etishingizga yordam beradi. Ikkinchidan, nozik mato nozik teri uchun ideal, chunki u gipoallergenik xususiyatlarga ega.

Bundan tashqari, ba’zi dermatologlarning fikriga ko‘ra, ipak yumshoqligi tufayli uzoq muddatda ajinlarni kamaytirishga yordam beradi. Tabiiy matodan tikilgan yostiq jildlari sochlarning chigallashishiga yo‘l qo‘ymaydi.

Yuqori sifatli choyshabni tanlash uchun quyidagi omillarga e'tibor bering.

Mato turi. Ideal variant — tut ipakdan tayyorlangan  yostiqlar. Bu material qolgan matolarga qaraganda ancha kuchli va yumshoqroq.

Zichlik. Bunday holatda, momi miqdori bilan qiziqish kerak: raqam qanchalik baland bo‘lsa, ipak yumshoqroq bo‘ladi.

Ipak matodan tikilgan yostiq jildlarini qanday yuvish mumkin?

Ipak yostiq jildlarini boshqa choyshablar kabi, bakteriyalar ko‘payishini oldini olish uchun tez-tez yuvilishi kerak. Ularni har 7-10 kunda qo‘lda yoki maxsus sumka yordamida kir yuvish  mashinasida yuvish mumkin.