Qozog‘istonda Ikkinchi jahon urushi qatnashchilariga kamida 1,5 million tengedan (3 287 dollar) beriladi. Bu haqda “Daryo”ning Qozog‘istondagi muxbiri xabar berdi.
Mehnat va aholini ijtimoiy muhofaza qilish vaziri Tamara Duysenovaning ma’lum qilishicha, butun Qozog‘iston bo‘yicha hokimliklar faxriylarga kamida 1,5 million tengedan (3287 dollar) berishni taklif qilgan. Respublikaning barcha viloyatlaridagi faxriylarga pul mukofoti beriladi.
Duysenova ayrim hududlarda to‘lovlar ko‘proq bo‘lishi mumkinligini ta’kidladi. Lekin taklif qilingan miqdordan kam emas. O‘tgan yili 9-mayga Ikkinchi jahon urushi qatnashchilariga kamida 1 million tenge (2191 dollar) to‘langan.
Ma’lumot o‘rnida, qirg‘izistonlik faxriylar, Ikkinchi jahon urushi qatnashchilariga bir martalik yordam sifatida 100 ming som (1100 dollar) to‘lanadi.
Bir martalik moddiy yordam bank hisob raqamlariga o‘tkaziladi. Faxriylar pochta bo‘limlarida pulni olishi mumkin bo‘ladi. Rasmiy ma’lumotlarga ko‘ra, 2023-yil 1-aprel holatiga ko‘ra, Qirg‘izistonda 68 nafar faxriy istiqomat qiladi.
Svetlana Shesternyova, Olmaota
Izoh (0)