Buxoro shahrida ijaraga olgan uyida fohishaxona tashkil qilgan navoiylik ayol ushlandi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, holat viloyat IIB xodimlari tomonidan o‘tkazilgan tezkor tadbir davomida aniqlangan. Navoiy viloyati Qiziltepa tumanida yashovchi 1995-yilda tug‘ilgan B.N. ismli ayol ijara asosida yashab kelayotgan Buxoro shahar Alpomish ko‘chasidagi uyida ikki erkakka tanishi bo‘lgan A.M. ismli ayolning fohishalik xizmatini taklif qilgan.
Ularning jinsiy aloqa qilishlari uchun muayyan sharoit yaratib berib, har biridan 300 000 so‘mdan jami 600 000 so‘m pullarni olib, fohishaxona tashkil etish va qo‘shmachilik jinoyatlarini sodir qilgani fosh etildi.
Mazkur holat yuzasidan Buxoro shahar IIO FMB tomonidan Jinoyat kodeksining 131-moddasi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.
Bu kabi holatlar Buxoro viloyatida bir necha bor aniqlangan. Xususan, Buxoro tumanida xonadonida 100 ming so‘mga fohishaxona tashkil qilgan 64 yoshli erkak ushlangan. Bundan tashqari, Buxoro shahri Alpomish ko’chasida yashovchi, 1980-yilda tug‘ilgan erkak yashash xonadonida fuqarolaring jinsiy aloqa qilishi uchun 60 000 so‘m evaziga yetarli shart-sharoit yaratib berib, fohishaxona tashkil qilgani aniqlangan.
Izoh (0)