Бухоро шаҳрида ижарага олган уйида фоҳишахона ташкил қилган навоийлик аёл ушланди. Бу ҳақда вилоят Ички ишлар бошқармаси ахборот хизмати хабар берди.
Хабарга кўра, ҳолат вилоят ИИБ ходимлари томонидан ўтказилган тезкор тадбир давомида аниқланган. Навоий вилояти Қизилтепа туманида яшовчи 1995 йилда туғилган Б.Н. исмли аёл ижара асосида яшаб келаётган Бухоро шаҳар Алпомиш кўчасидаги уйида икки эркакка таниши бўлган А.М. исмли аёлнинг фоҳишалик хизматини таклиф қилган.
Уларнинг жинсий алоқа қилишлари учун муайян шароит яратиб бериб, ҳар биридан 300 000 сўмдан жами 600 000 сўм пулларни олиб, фоҳишахона ташкил этиш ва қўшмачилик жиноятларини содир қилгани фош этилди.
Мазкур ҳолат юзасидан Бухоро шаҳар ИИО ФМБ томонидан Жиноят кодексининг 131-моддаси билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
Бу каби ҳолатлар Бухоро вилоятида бир неча бор аниқланган. Хусусан, Бухоро туманида хонадонида 100 минг сўмга фоҳишахона ташкил қилган 64 ёшли эркак ушланган. Бундан ташқари, Бухоро шаҳри Алпомиш кўчасида яшовчи, 1980 йилда туғилган эркак яшаш хонадонида фуқароларинг жинсий алоқа қилиши учун 60 000 сўм эвазига етарли шарт-шароит яратиб бериб, фоҳишахона ташкил қилгани аниқланган.
Изоҳ (0)