Buxoro tumanida xonadonida 100 ming so‘mga fohishaxona tashkil qilgan 64 yoshli erkak ushlandi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, holat 13-aprel kuni soat 12:30 larda Ichki ishlar boshqarmasi xodimlari tomonidan o‘tkazilgan “Buxoro viloyati hududida fohishaxona saqlash borasidagi holatlarning oldini olish va unga qarshi kurashish” tadbiri davomida aniqlangan.
Buxoro tumanida yashovchi, 1959-yilda tug‘ilgan Y.M. ismli nafaqaxo‘r erkak fohishaxona tashkil etish yo‘li bilan tekin daromad orttirish maqsadida qasddan jinoyat sodir qilgan. U o‘zi yashab kelayotgan tumanning “Rabotiqalmoq” mahallasida joylashgan xonadonida bir erkak va ayolning jinsiy aloqada bo‘lishi uchun zarur sharoitlarni yaratib berib, evaziga 100 000 so‘m miqdoridagi pullarni olgani aniqlangan.
Mazkur holat yuzasidan Jinoyat kodeksining 131-moddasi 2-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.
Izoh (0)