Buxoro shahrida o‘tkazilgan “Oriyat” maxsus tezkor profilaktik tadbiri davomida erkak o‘z uyida fuqarolarning jinsiy aloqa qilishi uchun sharoit yaratib bergani aniqalandi. Bu haqda viloyat ichki ishlar boshqarmasi axborot xizmati xabar berdi.
Ma’lum bo‘lishicha, viloyat bo‘ylab o‘tkazilayotgan “Xavfsiz hudud” keng qamrovli profilaktik tadbirlari doirasida Buxoro shahri ichki ishlar organlari faoliyatini muvofiqlashtirish boshqarmasi xodimlari tomonidan “Oriyat” tezkor tadbiri o‘tkazilgan. Jarayon davomida Buxoro shahri Alpomish ko’chasida yashovchi, 1980-yilda tug‘ilgan K.O. ismli erkak yashash xonadonida fuqarolar J.SH. va N.N.ning jinsiy aloqa qilishi uchun 60 000 so‘m evaziga yetarli shart-sharoit yaratib berib, fohishaxona tashkil qilgani aniqlangan.
Mazkur holat yuzasidan shahar IIO FMB huzuridagi tergov bo‘limi tomonidan fuqaro K.O. ga nisbatan Jinoyat kodeksining 131-moddasi (qo‘shmachilik qilish yoki fohishaxona saqlash) 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)