May oyida kuzatiladigan magnit bo‘ronlari sanasi ma’lum qilindi

May oyida kuchli magnit bo‘ronlari kuzatilishi kutilmoqda. Salomatligi ob-havoga bog‘liq odamlar uchun jarayon kuzatiladigan sana muhim hisoblanadi.

Ma’lum qilinishicha, 11,17 va 28-may kuni kuchli magnit bo‘roni kuzatilishi, 20 va 25-may kungi faollik esa past bo‘lishi kutilmoqda.

Aynan shu kunlarda ko‘pchilik magnit bo‘ronlarining salbiy ta’sirini his qiladi. To‘satdan kayfiyat o‘zgarishi, holsizlik, charchoq, migren, bosh aylanishi, qon bosimining ko‘tarilishi yoki aksincha, keskin pasayishi, ko‘ngil aynishi mumkin.

Magnit bo‘ronlari hatto o‘rta kuchga ega bo‘lsa ham, inson salomatligiga salbiy ta’sir ko‘rsatadi. 

Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ratsiondan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.

Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.