Май ойида кузатиладиган магнит бўронлари санаси маълум қилинди 

Май ойида кучли магнит бўронлари кузатилиши кутилмоқда. Саломатлиги об-ҳавога боғлиқ одамлар учун жараён кузатиладиган сана муҳим ҳисобланади.

Маълум қилинишича, 11,17 ва 28 май куни кучли магнит бўрони кузатилиши, 20 ва 25 май кунги фаоллик эса паст бўлиши кутилмоқда.

Айнан шу кунларда кўпчилик магнит бўронларининг салбий таъсирини ҳис қилади. Тўсатдан кайфият ўзгариши, ҳолсизлик, чарчоқ, мигрен, бош айланиши, қон босимининг кўтарилиши ёки аксинча, кескин пасайиши, кўнгил айниши мумкин.

Магнит бўронлари ҳатто ўрта кучга эга бўлса ҳам, инсон саломатлигига салбий таъсир кўрсатади. 

Бундай кунларда организмга ёрдам бериш учун кунига камида 7-8 соат ухлаш маслаҳат берилган. Рациондан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.

Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.