O‘zbekistonlik Boboxo‘jayeva Orzugul (37 yosh) 23-aprelda bo‘lib o‘tgan Tokioning Setagaya okrugi saylovida deputat etib saylandi. Bu haqda u o‘zining Twitter sahifasida ma’lum qildi.
“Bu safar Setagaya okrugi majlisi saylovlarida 6771 ovoz bilan birinchi marta saylandim. Barchangizga rahmat. G‘oliblik sertifikatimni olish uchun Setagaya tuman bo‘limiga bordim. Bizga ishonib topshirilgan har bir ovozni qadrlaymiz”, — deb yozgan u tvitida.
Saylov kampaniyasida Boboxo‘jayeva Yaponiyani yaxshi ko‘rgani uchun sukut saqlolmasligini qayd etgan.
“Men boshqa davlatda tug‘ilganim uchun bosimga berilmasdan hammaning ovozini yetkazaman”, — degan u.
Boboxo‘jayeva 19-aprel kuni saylov afishalariga shikast yetganini aytgan. U o‘z plakatining suratini e’lon qilib, “e’lonlar taxtasidagi plakat yirtilgan. politsiya barmoq izlarini yig‘ib, tergov olib bormoqda”, deb yozgan.
Biroq u “ta’qiblarga berilmasdan, Setagaya uchun qo‘lidan kelganini qilishda davom etishini” aytgan.
Boboxo‘jayeva Yaponiyada 15 yildan beri istiqomat qiladi. U bir nechta ishlarda faoliyat olib borgan. Jumladan, logistika kompaniyasida ishlagan, vino kompaniyasida tadbirkorlik qilgan, frilanser va restoran boshqaruvchisi hisoblanadi. 2023-yil aprel oyida Yaponiya Konstitutsiyaviy demokratik partiyasi Setagaya okrugi assambleyasiga saylovlarni rasman qo‘llab-quvvatlagan. Y Company MCHJ vakili sanaladi. Ommaviy axborot vositalarida ko‘plab chiqishlar qilgan.
Izoh (1)
Сарлавҳа нотўғри танланган, у аёл энди Ўзбекистонлик эмас. “Япониялик ўзбек аёл депутатликка сайланди” тўғри сарлавҳа бўлса керак