Ijtimoiy tarmoqlarda Asaka tumanida Nexia oqibatida Damas yo‘l chetidagi odamlarni urib ketgani aks etgan video tarqaldi. Ushbu holat yuzasidan viloyat yo‘l harakati xavfsizligi boshqarmasi maʼlumot berdi.
Aniqlanishicha, joriy yilning 24-aprel kuni soat 7:30 larda Asaka tumanida yashovchi fuqaro D.I. o‘zining Damas rusumli avtomashinasida tumanning “Kujgan” mahallasidan o‘tgan Asaka—Qayrag‘och avtomobil yo‘lidan “Qadriyat” mahallasidan o‘tgan Asaka—Kujgan avtomobil yo‘liga harakatlanib chiqayotgan bo‘lgan. Shu paytda chap tomonidan harakatlanib kelayotgan Asaka tumanida yashovchi J.Sh. boshqaruvida bo‘lgan Nexia-3 rusumli avtomashina kelib urilishi oqibatida to‘qnashuv sodir bo‘lgan.
To‘qnashuv oqibatida Damas yo‘l chetida turgan piyoda Q.E.ga borib urilgan. Fuqaro Q.E.ga hech qanday tan jarohati yetmagan. Shuningdek, Damas’da bo‘lgan yo‘lovchi M.S. ham tan jarohati olmagan
To‘qnashuv natijasida ikkala avtomashina ham moddiy zararlangan. Holat yuzasidan hozirda qo‘shimcha surishtiruv ishlari olib borilmoqda.
Izoh (0)