Ижтимоий тармоқларда Асака туманида Nexia оқибатида Damas йўл четидаги одамларни уриб кетгани акс этган видео тарқалди. Ушбу ҳолат юзасидан вилоят йўл ҳаракати хавфсизлиги бошқармаси маълумот берди.
Аниқланишича, жорий йилнинг 24 апрель куни соат 7:30 ларда Асака туманида яшовчи фуқаро Д.И. ўзининг Damas русумли автомашинасида туманнинг “Кужган” маҳалласидан ўтган Асака—Қайрағоч автомобиль йўлидан “Қадрият” маҳалласидан ўтган Асака—Кужган автомобиль йўлига ҳаракатланиб чиқаётган бўлган. Шу пайтда чап томонидан ҳаракатланиб келаётган Асака туманида яшовчи Ж.Ш. бошқарувида бўлган Nexia-3 русумли автомашина келиб урилиши оқибатида тўқнашув содир бўлган.
Тўқнашув оқибатида Damas йўл четида турган пиёда Қ.Э.га бориб урилган. Фуқаро Қ.Э.га ҳеч қандай тан жароҳати етмаган. Шунингдек, Damas’да бўлган йўловчи М.С. ҳам тан жароҳати олмаган
Тўқнашув натижасида иккала автомашина ҳам моддий зарарланган. Ҳолат юзасидан ҳозирда қўшимча суриштирув ишлари олиб борилмоқда.
Изоҳ (0)